What are you

made

of

Previous slide
Next slide

Pensaches que teñen en común o teu amigo obsesionado con Messi e a túa irmá que toma máis infusións ca auga? Anaquiños da Arxentina, boludo.

Algunha vez pensaches de onde vén esa comida que tanto che gusta ou onde xurdiu a túa afección preferida? Nesta campaña animámoste a reflexionar e cuestionarte de que te compós: crea o teu propio sticker con eses anaquiños doutros lugares que che fan seres ti e compárteo.

Como participar?

  1. Descarga o modelo.
  2. Leva o modelo a un editor de imaxe. Podes empregar o de stories de IG 😉
  3. Colorea o modelo con eses anaquiños doutros lugares que
    che fan seres ti.
  4. Compárteo en redes sociais e envíallelo ás túas amizades.

Como sería o sticker dese amigo obsesionado por Messi e o kebab? E o desa amiga vegana á que lle gustan a montaña e os animais? Pásao polo grupo.

Cada día tentan convencernos de que a realidade dunha persoa que está a milleiros de quilómetros de nós non ten nada que ver coa nosa, que non compartimos nada.

Vivimos nun momento que fomenta a nosa individualidade e pouco a pouco ímonos convencendo de que non precisamos esas persoas, de que non temos nada en común.

Con esta campaña queremos reflectir que os diferentes elementos que compoñen a nosa identidade se alimentan doutras persoas e outras realidades, e que non poderiamos existir sen a contribución e achega doutros países nuestra identidad se alimentan de otras personas y otras realidades, y que no podríamos existir sin la contribución y el aporte de otros países.

Queremos contar outra historia, unha que poña en valor o que nos une, os anacos que nos compoñen e a interdependencia que temos unhas persoas doutras. Unha historia que fale de compartir e non de loitar, de amor e non de odio.

Así, por medio do recoñecemento de que somos persoas con identidades múltiples, podemos romper o imperativo do bando único e reforzar o que nos une, que é moito máis do que nos separa.

Imaxinas descubrir que ese compañeiro de traballo co que pensabas non ter nada en común comparte a túa obsesión polo cine asiático?

retos e valores

1

Reto

Que os gobernos pasen á acción e destinen máis orzamento a mellorar o benestar e os dereitos de todas as persoas, vivan onde vivan

valor

O desenvolvemento no que cremos respecta e coida os bens comúns das sociedades actuais e futuras. Reforzar o compromiso coa cooperación e contar con máis fondos públicos que contribúan ao desenvolvemento de sociedades máis xustas.

2

Reto

Avanzar cara a políticas feministas que eliminen todas as formas de discriminación, racismo, vulneración de dereitos e violencias contra as mulleres.

valor

Apostamos por un modelo que aborde as causas estruturais das discriminacións de xénero, un modelo no que as mulleres participan na toma de decisións e onde se garanten os seus dereitos en igualdade de condicións, sexan de onde sexan, sexan como sexan.

3

Reto

Impulso de políticas ecoloxistas que promovan o coidado do planeta.

valor

Promovemos un modelo que respecta o coidado do planeta, que promove un uso racional e equilibrado dos recursos naturais e que consegue reducir o avance do cambio climático. O coidado do planeta é unha oportunidade para xerar unha economía máis xusta, vivir mellor e repensar aspectos do sistema que non funcionan ou xeran inxustizas.

Os stickers polo mundo

Aquí podes ver unha morea de stickers creados por xente.

Úneste? Crea o teu e etiquétao con #whatareyoumadeof.

a cooperación en cafés

Se o prezo medio dun café é 2 €, cantos cafés dedica cada persoa á cooperación ao desenvolvemento en cada comunidade autónoma?

Máis información

Queres coñecer todas as áreas de traballo e como podes axudar?

Seguro que preto de ti hai moito por facer!